Cultuur

Toanielferiening Nocht en Wille spilet Yn 'e prizen

de redactie De Stienser 48 dagen geleden

Komeedzje fan Henk Sloots, wurdt spile troch Nocht en Wille út Blije op freed 21 en sneon 22 febrewaris yn it MFA te Blije.

Geart Bonkema is net te benijen. Hy sit stevich ûnder de plak by syn frou Berta. Wy komme yn de kunde mei it stel as se krekt de strjitpriis yn 'e Postkoadelotterij wûn ha.

Teminsten as Geart net fergetten hie harren op te jaan. Hy doart dat net op te bychtsjen oan Berta. En dy is al begûn it jild út te jaan dat der dus net is... As Berta har muoike, in rike widdo, op besite komt, rûkt Geart syn kâns.

Mei de entûsjaste help fan syn buorman Piter besiket hy muoike in flink bedrach oan jild ôf te troggeljen...

Oft dat slagget? It wurdt noch in hiele toer om dit goed ôfrinne te litten.

Freed 21 febrewaris om 19.30 oere en op sneon 22 febrewaris 20.00 oere yn MFA te Blije